Өчигдөр буюу 23-ны өдөр БНСУ-д шинээр коронавирусний халдвар авсан 170006 тохиолдол бүртгэгдэж, нийт халдварын тохиолдлын тоо 2.49 саяд хүрсэн байна.

Өмнөх өдөртэй харьцуулахад шинээр халдвар авсан хүмүүсийн тоо 1435-аар буурсан ч сүүлийн хоёр өдөр дараалан халдварын тохилдлын тоо 170 мянгыг давжээ. БНСУ-д илэрч буй халдвар долоо хоногийн өмнөхөөс 0.8 дахин, хоёр долоо хоногийн өмнөхөөс 3.1 дахин өссөн байна.

Улмаар цар тахал оргил үедээ хүрэхэд өдөрт 270 мянган тохиолдол шинээр бүртгэгдэх магадлалтай гэж байсан ч энэ таамаг дахин нэмэгдэж 330 мянгад хүрчээ.

Шинээр гарч буй халдваруудын 60.2 хувь нь нийслэл Сөүл хотод бүртгэгджээ.