Өнөөдөр БНСУ-д 20 дахь удаагийн ерөнхийлөгчийн сонгууль болж байна. 

"Корона" вирусийн нэг өдөр бүртгэгдсэн халдварын тохиолдлын огцом өсөлттэй зэрэгцэн үргэлжилсэн 22 хоногийн ерөнхийлөгчийн сонгуулийн сурталчилгаа өчигдөр шөнийн 24:00 цагт дуусаж өнөөдөр өглөөний 07:00 цагаас ерөнхийлөгчийн сонгуулийн санал хураалт улс орон даяар нэгэн зэрэг эхлээд байна. 

Өглөөний 09:00 цагийн байдлаар сонгуулийн санал хураалт 8,1%-тай хэвийн үргэлжилж байна гэж мэдээллээ. 

Өнгөрсөн амралтын өдрүүдэд болсон урьдчилсан санал хураалтад нийт санал өгөх иргэдийн 36.93% нь оролцсон нь урьдчилсан санал хураалтын хамгийн өндөр үзүүлэлт болоод байгаа бөгөөд энэ удаагийн ерөнхийлөгчийн сонгуулийн ирц 80%-д хүрэх байх гэсэн хүлээлт үүсээд байгаа билээ. 

Эх сурвалж : YTN News

Орчуулж эмхтгэсэн : Д.Тодням