Төрийн албаны албан хаагчдын цалин хөлстэй холбоотой асуудал сүүлийн өдрүүдэд олны анхаарлыг татаад байна. Тэр дундаа соёл, урлагийн салбарт ажиллаж буй уран бүтээлчид өөрсдийн цалин хөлсний тухай олон нийтэд нээлттэй мэдээлж эхэлжээ. Өмнө нь эмч, багш нар энэ асуудлыг хөндөж ажил хаялт хүртэл хийж байсан. Энэ удаад УДБЭТ-ын уран бүтээлчид ч мөн ажил хаялт зарлах хүртэл арга хэмжээ авахаар төлөвлөж буй тухайгаа олон нийтэд мэдээлээд байна. 

Манай улсын соёлын салбарын мэргэжлийн урлагийн байгууллагад 7000 орчим албан хаагч бий. Эсрэг дүрийн хатан хаан гэгддэг жүжигчин Г.Отгонцэцэгийн хувьд сарын 766.480 төгрөгийн цалин авдаг тухайгаа өөрийн цахим хуудаснаа бичжээ. Үүнээс төрөөс авдаг татвараа төлөөд гар дээрээ багахан хэмжээний цалин авдаг тухайгаа дурдсан түүнтэй санал нэгдэж буйгаа илэхийлэн мэргэжлийн урлагийн байгууллагын ажилчид ч мөн өөрсдийн үзэл бодлыг илэрхийлсээр байна.