Монголын үндэсний бөхийн холбоо, “Премьер спортс нэтворк” сувагтай хамтран зохион байгуулдаг үндэсний “Алтан цом”-ын төлөөх шигшээ найман багийн барилдаан өнөөдөр эхэлнэ.

Хасагдах шатны эхний барилдаанд Архангай аймгийн багтай Төв аймгийн “Дүнжингарав” дэвжээнийхэн зодоглох юм. Ялсан баг аяллаа үргэлжлүүлэх бол ялагдсан ч тэмцээнээ дуусгана. Барилдаан 19:45 цагт эхлэх хуваарь гарчээ.

Тэгвэл маргааш Өвөрхангайн эсрэг Өмнөговь, 18-нд Увстай Говьсүмбэр, 19-нд Ховд-Баян-Өлгий аймгийн багтай барилдсанаар шилдэг дөрвөн багийн нэр тодрох юм.