Улсын онцгой комиссоос гарсан шийдвэрийн дагуу тусгай үүргийн нислэгээр 2020 оны 4 дүгээр сарын 30-нд БНСУ-ын Сөүл, 5 дугаар сарын 2-нд ХБНГУ-ын Франкфурт хотоос иргэдээ татан авах бэлтгэл ажил хийгдэж байна. Энэ нислэгийн үеэр өмнө нь тавигдаж байсан таван шаардлагыг ягштал баримтална. Үүнд:

• Эрүүл мэндийн шалтгаантай (хүнд өвчний улмаас эмнэлгийн магадлагаагаар гадаад улсад эмчилгээнд явсан)
• Жирэмсэн
• Бага насны хүүхэдтэйгээ яваа
• Хөгжлийн бэрхшээлтэй
• Өндөр настан иргэдийг эрэмбэлэн хамруулна.

Эдгээр шаардлагыг нотолсон баримтыг өргөдөл гаргасан иргэн нэрээ бичин uok.shtab@nema.gov.mn цахим хаягаар 4 дүгээр сарын  24-ийг хүртэлх хугацаанд ирүүлнэ үү.

Тус шаардлага нь транзитаар ирэх иргэдэд ч мөн адил тавигдана.

Мөн Эрүүл мэндийн яамнаас тавьж буй шаардлагын дагуу сүүлийн 48 цагийн дотор коронавирусын шинжилгээ  заавал хийлгэсэн байна.   

УЛСЫН ОНЦГОЙ КОМИССЫН ШУУРХАЙ ШТАБ