УИХ-ын сонгуульд улс төрийн гурван намаас нийт 53 УИХ-ын гишүүн нэр дэвших эрхээ авлаа. Тодруулбал, МАН-аас 43, АН-аас 8, ШИНЭ намаас 2 УИХ-ын гишүүн нэр дэвшинэ. Харин МАН-аас сонгогдсон 20 УИХ-ын гишүүн энэ удаад өнжиж байна. Тодруулбал:

УИХ-ын гишүүн М.Энхболд, Д.Хаянхярваа, Ж.Энхбаяр, Ц.Гарамжав, Л.Энхболд, Ө.Энхтүвшин, Я.Содбаатар, Д.Оюунхорол, Н.Амарзаяа, А.Ундраа, Д.Ганболд, Д.Тэрбишдагва, Г.Солтан, Д.Дамба-Очир, Б.Ундармаа, О.Содбилэг, М.Билэгт, Ч.Улаан, Н.Оюундарь, А.Сүхбат нар юм.

УИХ-ын гишүүн Ж.Энхбаяр, Ц.Гарамжав, Л.Энхболд, Я.Содбаатар, Д.Хаянхярваа, Шадар сайд Ө.Энхтүвшин нар залуустаа боломж олгох үүднээс энэ сонгуульд нэр дэвшихгүй гэж шийджээ. Харин  залуу улс төрчдөөс О.Содбилэг энэ сонгуульд өнжихөөр болсон байна.

Тэгвэл УИХ-ын гишүүн М.Энхболд, Д.Оюунхорол, Н.Амарзаяа, А.Ундраа, Д.Ганболд, Д.Тэрбишдагва, М.Билэгт нарыг нэр дэвшүүлэхгүй гэдгээ МАН-ын дарга У.Хүрэлсүх мэдэгджээ. Д.Ганболд гишүүнийг нэр дэвшүүлэхгүйгээс гадна Бага хурлын гишүүнээс хасчээ.

Харин УИХ-ын гишүүн Б.Ундармаа Капитал банкны асуудлаас үүдэн нэр дэвших боломжгүй болсон гэх таамгийг хэвлэлүүд мэдээлж байна.

Үүнээс гадна УИХ-ын гишүүн Н.Номтойбаяр, Д.Гантулга, Б.Батзориг нар бүрэн эрхээсээ татгалзсан ч Н.Номтойбаяр бие дааж өрсөлдөх хүсэлтээ СЕХ-нд хүргүүлээд байгаа билээ.