Төр, нийгмийн нэрт зүтгэлтэн С.Зориг агсны амь насыг хөнөөсөн хэргээр гурван шатны шүүхээс ялын дээд хэмжээ авсан Б.Содномдаржаа, Т.Чимгээ нарыг эрүүдэн шүүж, хэрэг тулгасан гэх үндэслэлээр ТЕГ-ын дарга асан, хошууч генерал Б.Хурц нарын долоон хүнийг яллагдагчаар татан, хэргийг шүүхэд шилжүүлээд байгаа билээ. 

Тэгвэл тэдэнд холбогдох хэргийн шүүх хурал өнөөдөр /2020.06.08/ Төв аймаг дахь Сум дундын Эрүүгийн хэргийн анхан шатны шүүхэд болно. Шүүх хурлыг 09:00 цагт товлосон бөгөөд шүүгдэгч Б.Хурц шүүх хуралдаа оролцохоор хүрэлцэн ирээд байна. Түүнчлэн эл хуралд хохирогчоор оролцож байгаа Б.Содномдаржаа, Т.Чимгээ нарыг хорих ангиас шүүх хурлын танхимд авч ирлээ.