БНСУ-д амьдардаг Н.Идэрмөнх гэдэг Монгол залуу хэдхэн хоногийн өмнө тус улсын “E channel”-ийн “Topgoal Rhapsody” буюу “K-pop-ыг орчуулж болох уу” шоу нэвтрүүлэгт түрүүлсэн билээ.

Үүгээрээ Солонгос төдийгүй Монгол залуусын анхаарлыг ихэд татаад байна.

Тэрбээр тус улсын алдарт дуучин Lim Jae Bum-ийн For you дууг Солонгос болон Монгол хэлээр дуулсан байна.

Н.Идэрмөнх Солонгост өдгөө 10 жил амьдарч байгаа аж. Анх гэрээгээр ажиллахаар очсон ч “Сэжүн” их сургуульд бизнесийн удирдлага, дуучин гэсэн давхар мэргэжлээр суралцаж байгаа гэнэ.

Сонирхуулахад, тэрбээр цаашдаа Солонгосын төдийгүй Азийн урлагийн зах зээлд хүч үзэх зорилготой байгаа аж.