Өнөөдөр 2020.06.10. Энэ оны 161 дэх өдөр бөгөөд он дуусахад 204 хоног үлдэж байна. Монгол эх оронд маань нар 04 цаг 53 минутад мандлаа. 20 цаг 50 минутад жаргана.

Улаанбаатар хотод багавтар үүлтэй. Өдөртөө 22 хэм, шөнөдөө 6 хэмийн дулаан байна. Та хувцсаа тохируулж өмсөөд гараарай.

Өнөөдөр Иорданд Армийн өдөр, Италид Тэнгисийн цэргийн өдөр, Молдавд Хилчдийн өдөр тохиож байна.

Өнөөдөр Америкийн модель Кэйт Аптон, жүжигчин Жина Гершон, Жинн Трипплхорн, Италийн хөл бөмбөгч Марко Андреолли, Францын жүжигчин Венсан Перес, Английн жүжигчин Элизабет Хёрли, Оросын дуучин МакSим зэрэг алдартан төрсөн өдрөө тэмдэглэж байна.

Энэ өдөр дэлхий дахинд болсон онцлох үйл явдлууд:

1793 оны энэ өдөр Парист дэлхийн анхны нийтийн амьтны хүрээлэн нээгджээ.

Мөн оны энэ өдөр Вашингтон АНУ-ын нийслэл хот болов.

1909 оны энэ өдөр дэлхийд анх удаагаа “SOS” дохиог ашиглажээ. Энэхүү дохио нь гурван цэг, гурван зураас, бас гурван цэгээс бүрддэг.

Мөн оны энэ өдөр Австралийн нийслэл Канберра хот үүсгэн байгуулагджээ.

1921 оны энэ өдөр ОХУ-ын Тула мужид Лев Толстойн гэр музей бий болов. Зохиолч уг гэр музей байх “Ясная Поляна”-д 60 орчим жил амьдарч, “Дайн ба энх”, “Анна Каренина” зэрэг олон алдартай бүтээлээ туурвижээ.

1940 оны энэ өдөр Итали улс Франц, Их Британид дайн зарлав.

Өнөөдөр үс засуулбал өлсөж ундаасна гэжээ.

Энэ өдөр хулгана, луу жилтнүүд аливаа үйлийг хийхэд эерэг сайн бол могой, морь жилтнүүд аливаа үйлд хянамгай хандаарай. Өнөөдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, цэцэрлэг байгуулах, хур оруулах, дархны үйлд сайн бол хувцас эсгэх, шинэ хувцас өмсөх, зөвлөгөө хийх, гөлөг тэжээхэд тохиромжгүй. Хол газар явах бол зүүн зүгт мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг.

Өнөөдрийн ажилд тань амжилт хүсье.