Улаанбаатар-Сайншанд-Замын-Үүд-Улаанбаатар чиглэлийн төмөр замын ажил хийгдэж дуусаж, өнөөдөр буюу 23-наас эхлэн хэвийн ажиллаж эхэлжээ.

Сануулахад,  зургаадугаар сарын 21-нд Төв, Говьсүмбэр аймгийн зааг Баян, Баянтал сумын нутгаар 17:15-18:00 цагийн хооронд орсон аадар борооны улмаас үер бууж Агуйт, Наран-Элгэн зөрлөг орчим 572-592 дугаар км-т төмөр зам үерийн усанд угаагдаж, галт тэрэг явах боломжгүй болоод байсан юм.

Тэгвэл засварын бригадууд үзлэг шалгалт хийн сэргээн засах ажил хийгджээ.