Экологийн цагдаагийн алба “Хогоор бүү хорло” аяныг эхлүүлээд байгаа билээ. Энэ хүрээнд гялгар уутан хог хаягдлын золиос болсон загасны зургийг олон нийтэд дэлгэн үзүүллээ. Зураг дээр гялгар уутны тасархай загасны их биеэр ороосны улмаас үүссэн шархыг үзүүлжээ. Энэ мэт хэдэн сая амьтан хүн төрөлхтний үйлдсэн уршгаар тарчлан зовж байгааг сануулаад хогоо байгальд хаяхгүй байхыг уриалсан байна. 

Экологийн цагдаагийн албанаас иргэдийг дээрх аянд идэвхтэй оролцож дэмжин байгаль хамгаалах иргэний журамт үүргээ биелүүлэхийг уриаллаа.