Улсын хэмжээнд 2020 оны эхний хагас жилийн байдлаар 37.6 мянган эх амаржсан нь өмнөх оны мөн үеэс 493 (1.3хувь)-аар буурсан байна. Амаржсан эхчүүдийн 27.8 мянга (74.0хувь) нь 6, түүнээс дээш удаа жирэмсний хяналтад хамрагдсан нь өмнөх оны мөн үеэс 676 (2.4хувь)-гаар буурчээ.

Нийт амаржсан эхчүүдийн 130 (0.3хувь) нь гэртээ төрсөн нь өмнөх оны мөн үеэс 7 (5.7хувь)-гоор нэмэгдсэн байна.

Халдварт өвчнөөр өвчлөгчид 2020 оны эхний хагас жилд 17.0 мянга болж, өмнөх оны мөн үеэс 5798 (25.4хувь)-аар буурахад салхин цэцгээр өвчлөгчид 5071 (74.4хувь)-ээр, цусан суулгаар өвчлөгчид 1209 (52.8хувь)-өөр, гар, хөл, амны өвчнөөр өвчлөгчид 729 (75.1хувь)-өөр буурсан нь голлон нөлөөлжээ гэж Үндэсний Статистикийн Хорооноос мэдээллээ.