Италийн хөлбөмбөгийн Сериэ-А лигийн 36-р тойргийн тоглолт өнгөрөгч амралтын өдрүүдэд болж, тус лигийг тэргүүлэгч Кристиано Роналдо тэргүүтэй Ювентус багийнхан талбайдаа Сампдориа багийг хүлээн авч тоглов.

Тоглолтын эхний гоолыг нэгдүгээр үеийн 45+7 дахь минутанд К.Роналдо оруулж, Сериэ-А лигийн энэ улирлын 31 дэх гоолоо оруулав. Тоглолтын хоёр дахь гоол ч нэг их удсангүй. Хоёрдугаар үеийн 67 дахь минутад Федерико Бернардески гоолдож, Ювентус баг өрсөлдөгчөө 2-0 гэсэн харьцаатай хожиж, сүүлийн есөн жил дараалан Сериэ-А лигт түрүүлж, Скудеттог хүртэх болзлоо хангав.

Италийн Сериэ-А лигийн хүснэгт 36-р тойргийн дараа:

Ювентус – 83 оноо

Интер Милан – 76 оноо

Аталанта – 75 оноо

Лацио – 75 оноо

Рома – 64 оноо

АС Милан – 60 оноо

Наполи – 59 оноо