Тээврийн цагдаагийн албаны Урьдчилан сэргийлэх хэлтсийн дарга, хурандаа Э.Бөхбатын түрээсэлдэг 200 м.кв байранд автомат мөрийтэй тоглоомын газар үйл ажиллагаа явуулж байсан хэрэг гарсан билээ. Тэгвэл эзэмшлийнхээ байранд автомат тоглоомын газар ажиллуулж байсан Э.Бөхбат хурандаа эргээд ажилдаа орсон талаар албаны эх сурвалж мэдээллээ.

Тэрбээр өөрөө “Би хамгийн сүүлд 2017 онд уг байрыг хоолны газрын зориулалтаар түрээслэх гэрээ хийсэн. Гэтэл түрээслэгч маань цааш нь дамлаж түрээслээд автомат, мөрийтэй тоглоомын газар ажиллуулж байжээ. Байраа эргэж, тойрч байгаагүй нь миний алдаа боллоо. Ард түмнээсээ уучлалт хүсч байна. Энэ асуудлыг шалгуулахаар би ЦЕГ-ын дотоод хяналтад өргөдөл өгсөн. Мөн түрээсийн гэрээг цуцалсан” гэж байсан юм.

Уг тоглоомын газрыг Ц.Түмэнбаяр гэдэг хүн гардаж ажиллуулж байжээ. Түүнд хоёр удаа зөрчлийн хэрэг үүсгэн торгож байсан аж.

Хурандаа Э.Бөхбатын түрээслүүлдэг байранд мөн барьцаалан зээлдүүлэх үйлчилгээ явуулдаг байсан гэх мэдээлэл бий.

ЭХ СУРВАЛЖ https://zindaa.mn/3c3c