БНХАУ-ын Төрийн зөвлөлийн гишүүн, Гадаад хэргийн сайд Ван И өнөөдөр айлчлалаа үргэлжлүүлж Ерөнхийлөгч, Ерөнхий сайд, УИХ-ын дарга нарт бараалхах хуваарьтай байна.

Коронавируст цар тахлын нөхцөл байдалтай уялдуулан уулзалтыг Төрийн ордонд хийхгүй гэж ГХЯ-наас мэдээллээ.

БНХАУ-ын Гадаад хэргийн сайд Ван И өчигдөр газардсан даруйдаа Гадаад харилцааны сайд Н.Энхтайвантай ганцаарчилсан уулзалт зохион байгуулсан юм.

Уулзалтаар иж бүрэн стратегийн түншлэлээ бэхжүүлэх, худалдааны эргэлтийг нэмэгдүүлэх, экспортын төрлийг нэмж тогтвортой өсгөх зэрэг асуудлыг хэлэлцжээ.