Үнэмлэхүй их салхины хурд 2020 оны 9 дүгээр сард Говь-Алтай аймгийн Бугат суманд түр зуур 28 метр секундэд хүрч ширүүссэн байна.

Цаг агаар

Агаарын үнэмлэхүй их температур 2020 оны 9 дүгээр сард Баянхонгор аймгийн Эхийн гол орчмоор +34.0 хэм, үнэмлэхүй бага температур Баянхонгор аймгийн Гурванбулаг суманд -13.4 хэмд хүрлээ.

Агаарын чанар

Улаанбаатар хотын агаар дахь хүхэрлэг хийн сарын дундаж агууламж болон азотын давхар ислийн сарын дундаж агууламж 2020 оны 9 дүгээр сард агаарын чанарын стандарт хүлцэх агууламжаас давсан тохиолдол гараагүй байна.

Аюулт үзэгдэл, осол

Аюулт үзэгдэл, ослын тохиолдол 2020 оны эхний 9 сард 3440 болж, өмнөх оны мөн үеэс 456 (11.7%)-гаар буурсан байна. Объектын түймэр 2315 удаа гарч, өмнөх оны мөн үеэс 959 (29.3%)-өөр буурсан байна.

Улсын хэмжээнд 2020 оны эхний 9 сард мал, амьтны халдварт галзуу өвчний 73, боом өвчний 4, шүлхий өвчний 1, тарваган тахал өвчний 6, цусан халдварын 1, шинэ төрлийн корона вируст (Covid-19) халдварын 313 тохиолдол тус тус бүртгэгдсэн байна гэж Үндэсний Статистикийн Хорооноос мэдээллээ.