Улаанбаатар /МОНЦАМЭ/. Германы Дюссельдорф  хотноо болж байгаа жүдо бөхийн "Их дуулга" тэмцээний 2 дахь өдрийн барилдаанд Монголын багаас 6 бөх барилдаж хоёр жүдоч хүрэл медаль хүртэв.

Энэ өдөр эрэгтэйчүүдийн 73 кг-д барилдсан Ц.Цогтбаатар хүрэл медалийн төлөө Шведийн жүдоч Макиас Томмиг хутгах мэхээр цэвэр ялж, хүрэл медалийн эзэн болов. Тэрбээр шөвгийн наймд Азербайжаны алдарт бөх Рустам Оружавт торгуулиар ялагдсан юм. Улмаар торгуулийн тойрогт Молдавын бөх Виктор Стерпу,  медалийн барилдаанд Шведийн Макис Томми нарыг адилхан хутгах мэхээр цэвэр ялснаар ийнхүү хүрэл медаль хүртжээ.

Харин эмэгтэйчүүдийн 63 кг-д барилдсан Б.Ганхайч Францын залуу жүдоч Манон Декетертэй хүрэл медалийн төлөө барилдаж өрсөлдөгчөө 3 торгуулиар цэвэр ялж, хүрэл медальтан болов. Дюссельдорфын Их дуулгаас Монголын жүдочид эхний хоёр өдрийн байдлаар 4 хүрэл медаль хүртээд байна.

Эмэгтэйчүүдийн 63 кг-д:

1. TASHIRO Miku (JPN)

2. TRSTENJAK Tina (SLO)

3. DEL TORO CARVAJAL Maylin (CUB)

3. BOLD Gankhaich (MGL)

5. UNTERWURZACHER Kathrin (AUT)

5. DEKETER Manon (FRA)

7. OZBAS Szofi (HUN)

7. DAVYDOVA Daria (RUS)

Эрэгтэйчүүдийн 73 кг-д:

1. ONO Shohei (JPN)

2. AN Changrim (KOR)

3. TSEND-OCHIR Tsogtbaatar (MGL)

3. ORUJOV Rustam (AZE)

5. MACIAS Tommy (SWE)

5. HOJAK Martin (SLO)

7. STERPU Victor (MDA)

7. CHAINE Guillaume (FRA)

Эрэгтэйчүүдийн 81 кг-д:

1. GRIGALASHVILI Tato (GEO)

2. KHALMURZAEV Khasan (RUS)

3. DE WIT Frank (NED)

3. PACEK Robin (SWE)

5. ZOLOEV Vladimir (KGZ)

5. RESSEL Dominic (GER)

7. DJALO Alpha Oumar (FRA)

7. MOLLAEI Saeid (MGL)