Ойрын өдрүүдэд ихэнх нутгаар хүйтэрнэ
Монгол мэдээ
Огноо 2021-02-13
Цаг уурын байгууллагын ирүүлсэн мэдээллээр өнөөдөр, 2 дугаар сарын 13-нд төвийн аймгуудын өмнөд хэсэг, говийн аймгуудын зарим газраар, 14-нд Хөвсгөлийн уулархаг нутгаар болон говийн бүсийн зүүн өмнөд хэсгээр цас орж, цасан шуурга шуурна.
Мөн 15-нд төвийн аймгуудын зүүн хэсэг, зүүн аймгуудын зарим газраар, 16-нд зүүн аймгуудын нутгийн зүүн хэсгээр цас орж, шуурна.
Салхи 15, 16-нд нутгийн зүүн хагаст секундэд 15-17 метр хүрч ширүүснэ. Увс нуурын хотгор, Хүрэнбэлчир орчим, Завхан голын эх, Идэр, Тэс, Байдраг, Халх голын хөндийгөөр шөнөдөө 32-37 градус, өдөртөө 19-24 градус байна.
Дархадын хотгор болон Хангай, Хөвсгөл, Хэнтэйн уулархаг нутаг, Эг, Үүр, Орхон, Сэлэнгэ, Хараа, Ерөө, Хэрлэн, Онон, Улз, Халх голын хөндий, Дарьгангын тал нутгаар шөнөдөө 26-31 градус, өдөртөө 14-19 градус, Хангайн нурууны өвөр бэл, говийн бүс нутгийн өмнөд хэсэг болон цас багатай, энгэр ээвэр газраар шөнөдөө 10-15 градус, өдөртөө 0-5 градус, бусад нутгаар шөнөдөө 19-24 градус, өдөртөө 10-15 градус хүйтэн байх төлөвтэй байна.
Сэтгэгдэл
Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.