Баянзүрх дүүргийн 26 дугаар хороонд өнөөдөр хөл хориог цуцална
Хязгаарлалтын дэглэм тогтоогоод байгаа нийслэлийн Баянзүрх дүүргийн 26 дугаар хорооны оршин суугч иргэд өнөөдөр цуглаж, хөл хориог хороогоор нийтээр бус, халдвар гарсан байруудаар тусгаарлах ёстой байсан гэсэн байр сууриа илэрхийлэв.
Тус хороонд ЦЕГ-ын дэд дарга, хурандаа Ж.Амгалан, ЭМЯ-ны ахлах шинжээч Д.Нарангэрэл нарын албаны хүмүүс очиж иргэдтэй уулзлаа. ЦЕГ-ын дэд дарга, хурандаа Ж.Амгалан тус хорооны иргэдийг өнөөдрөөс вакцинжуулж эхэлж, эхний ээлжинд 800 ахмадыг бүртгээд буйг мэдээллээ. Мөн хөл хориог өнөөдөртөө багтаж цуцалж, энэ талаар дүүргийн Засаг даргатай уулзаж захирамж гаргахаа мэдэгдлээ. Ингэснээр энэ сарын 16-наас 17-нд шилжих өдөр тус хороонд тогтоосон хязгаарлалт 3 өдөр үргэлжилснээр дуусч байна.
Сэтгэгдэл
Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.