Мэргэжлийн сүмо бөхийн 71 дэх ёкозүна Какүрюү зодог тайллаа гэж Японы сүмо бөхийн холбооноос зарлалаа. 
Какүрюү Хаврын тэмцээнд оролцохоор бэлтгэл хийж байсан ч бэлтгэл дээр зүүн хөлөө гэмтээснээр зодоглож чадаагүй. Ингэснээр өнгөрсөн оны долоодугаар сарын тэмцээнээс хойш таван тэмцээн дараалан башёд оролцоогүй нь Японд ихээхэн шүүмжлэл дагуулж байлаа.

Ёкозүна Какүрюү дээд зиндаанд зургаан удаа түрүүлсэн. Мэргэжлийн сүмод нийт 785 барилдаж, 497 даваа, 236 унасан.

2001 онд мэргэжлийн сүмод орж, тусгай шагнал 9 удаа хүртэж байлаа. Цаашдаа Какүрюү нэрээрээ Сүмогийн холбоонд үлдэн, ажиллана. Ёкозүна цолтон зодог тайлаад нэрээрээ 5 жил холбоонд ажиллах эрхтэй байдаг билээ.