Үндэсний агаарын тээвэрлэгч МИАТ ТѲХК-ийн JU1015 бүртгэлийн дугаартай В737-800 агаарын хѳлѳг Ѳмнѳд Африкийн Бүгд Найрамдах Улсын Йоханнесбург хотын чиглэлд захиалгат нислэг үйлдлээ.

ѲАБНУ-ын Йоханнесбург хотыг зорьсон нислэг 24 цаг 2 минут, буцах нислэг 22 цаг 27 минут үргэлжилж ѳнѳѳдөр 6.44

цагт Улаанбаатар хотын Буянт-Ухаа ОУНБ-д амжилттай газардав.

Энэ нислэг Монгол Улсаас эхлэлтэй Африк тивийг зорьсон анхны нислэг бѳгѳѳд МИАТ компанийн агаарын хѳлгүүд дэлхийн таван тивд хүрч чадсаныг тус компаниас мэдээлсэн юм.

Нислэг үйлдэхийн тулд агаарын замын дагуух нийт 20 улсын агаарын тээврийн удирдах байгууллагаас 24 тѳрлийн зѳвшѳѳрөл авах, тооцоо судалгаа хийх, урьдчилсан бэлтгэл хангах зэрэг ажлыг шуурхай амжилттай зохион байгуулжээ.

Монгол Улсаас анх удаа ѲАБНУ-ыг зорих түүхэн нислэгийг халдвар хамгаалал, аюулгүй байдлын нѳхцѳлийг бүрэн хангаж амжилттай гүйцэтгэжээ.