Дагвадорж Ганбаатар: Монгол уяачдын маань ур ухаанаа шингээн, үржүүлгийн аргаар гаргаж авсан ‘Mongolian Changa’ гүүний үр төл өндөр зэрэглэлийн ‘Kentucky Derby’ -д аваргаллаа.

Энэ эрчээрээ "Medina Spirit" маань мундаг азарга болж, олон уралдаанд нэрээ дуурсгах нь дамжиггүй ээ. Олон арван жил "Mongolian Changa" гэдэг нэр түүнийг дагаж, дэлхийн морин уралдааны түүхэнд тодоор бичигдэхээр болж байна. Монгол уяачдын хувьд үнэхээр түүхэн үйл явдал боллоо.

"Kentucky Derby" бол дэлхийн морь сонирхогчдын хувьд мөрөөдлийн, нэр хүндтэй уралдаан. 3 настай үрээнүүд 2 км элсэн зам дээр уралддаг энэ тэмцээнд Монгол уяач морьдоо түрүүлгэх цаг ойрхон гэдэгт итгэж байна. Шагналын сан нь 3 сая доллар. Хэдийгээр 10 -20 саяын шагналын сантай олон уралдаан байдаг ч нэр хүндээрээ томд нь тооцогддог.

Сонирхуулахад, манай "Монголиан Винд" болон "Монголиан Форд" морьдууд маань аман хүзүүдсэн.