Эрүүл мэндийн яамнаас өгсөн коронавирусний халдварын нөхцөл байдлын талаарх өнөөдрийн ээлжит мэдээллийг хүргэж байна. (2021.05.12, 11:00 цаг)

Улсын хэмжээнд сүүлийн 24 цагт хийсэн шинжилгээгээр коронавируст халдварын тохиолдол 512-оор нэмэгдэж, 5 хүн нас барлаа.

Коронавируст халдварын шалтгаанаар нас барсан иргэд 47-78  насных байв. Манай улсад коронавируст халдвараар  нийт  84 хүн эндээд байна. 

Шинээр батлагдсан тохиолдлуудын 464 нь  нийслэлд,  48 нь орон нутагт бүртгэгджээ. Ингэснээр дотоодын нийт халдвар 45 756 , Улаанбаатарынх 40 830, орон нутгийнх 4930 болжээ.

Өнөөдрийн байдлаар Монгол Улсын хэмжээнд “COVID-19” халдварын батлагдсан тохиолдол   46 мянга  448 болж байна. Харин 1503 хүн эмнэлгээс гарснаар, нийт эдгэрсэн хүний тоо  35 мянга  733 боллоо.  

Одоогоор коронавируст халдварын улмаас  4806 хүн эмчлүүлж байгаагаас 121 хүний биеийн байдал маш хүнд байна. Эмчлүүлж буй хүмүүсийн 1506 нь хүндэвтэр, 548 нь хүнд, 2631  нь хөнгөн хэмээн оношлогджээ.