Засгийн газрын ээлжит хуралдаан өнөөдөр өргөтгөсөн хэлбэрээр Төрийн ордонд болсон. Хуралдаанд Засгийн газрын гишүүдээс гадна нийслэлийн удирдлагууд оролцсон юм. Тэд хотын түгжрэл, хүн амын нягтаршил, орон сууцжуулах асуудлыг хөндөж байлаа. 

Хуралдааны үеэр Шадар сайд С.Амарсайхан "Эхний ээлжинд зөвхөн гэр хорооллоос байранд орох иргэдэд ипотекийн зээл олгоно гэдэг зарчмыг мөн хатуу баримтлах нь зөв" гэдэг саналыг хэлж байсан бол Ерөнхий сайд Л.Оюун-Эрдэнэ Үндэсний баялгийн тогтолцоо, Хуримтлалын нэгдсэн сангийн тогтолцоонд тургуурлах замаар ипотекийн зээлийн урьдчилгааг үе шаттай шийдвэрлэх талаар Сангийн сайд, Барилга хот байгуулалтын сайд нар даалгав. Өөрөөр хэлбэл орон сууцны ипотекийн зээлийн урьдчилгаа төлбөрийг 15 хувь болгож бууруулах ажлыг судлах талаар Засгийн газрын сайд нарт даалгав.