Засгийн газрын ээлжит бус хуралдаан 2021 оны зургадугаар сарын 29-нд болж, Үндэсний их баяр наадам, Ардын хувьсгалын 100 жилийн ойн баяраар иргэдийн ажил, амралтын өдрийг зохицуулах зорилгоор 2021 оны долоодугаар сарын 16-ны баасан гарагийн ажлын өдрийг долоодугаар сарын 24-ний бямба гарагийн амралтын өдөрт шилжүүлэх шийдвэрийг гаргасан билээ.

Тэгвэл маргааш нийслэлд тээврийн хэрэгслийн дугаарын хязгаарлалт үйлчлэх эсэх талаар Тээврийн цагдаагийн албанаас тодруулахад “Маргааш буюу 2021 оны долоодугаар сарын 24-ний бямба гараг ажлын өдөр боловч дугаарын хязгаарлалт үйлчлэхгүй гэлээ.