КОВИД-19 цар тахлын дэгдэлт эрчимтэй явагдаж байгаагаас БНСУ-ын Засгийн газар “Нийгэмд зай барих” хорио цээрийн дэглэмийг 4 ДҮГЭЭР ЗЭРЭГЛЭЛ буюу хамгийн өндөр түвшинд хүргэж чангаруулсан шийдвэрээ 2021.07.26-ны өдрөөс 2021.08.08-ны өдрийг хүртэл 14 хоногийн хугацаагаар сунгаад байна. Иймд иргэд ТА бүхэн халдварт өртөхөөс урьдчилан сэргийлэх, эрсдэлийг бууруулах үүднээс халдварын тархалт намжтал онцын шаардлагагүй бол гадуур явах, олон нийтийн газраар үйлчлүүлэхээс зайлсхийж, зайлшгүй шаардлагатай, нэн яаралтай бус бол ЭСЯ-ны Консулын хэлтэст ирж үйлчилгээ авахаа түр хойшлуулахыг зөвлөж байна.

Энэ хүрээнд халдварын эрсдэлээс урьдчилан сэргийлэх зорилгоор цахим иргэний үнэмлэх сунгалтын үйлчилгээг 2021.08.08-ны өдрийг хүртэл түр хугацаагаар үзүүлэхгүй болохыг анхаарна уу.

БНСУ-д байгаа гадаадын байгууллага, иргэд нь суугаа орны хорио цээрийн журмыг солонгос иргэдийн нэгэн адил дагаж мөрдөх үүрэгтэйг манай иргэд ойлгон ухамсарлаж, оршин суугаа улсынхаа халдвар хамгааллын дэглэмийг хатуу сахиж мөрдөхийг уриалж байна.

ЭЛЧИН САЙДЫН ЯАМНЫ КОНСУЛЫН ХЭЛТЭС