Ковидын халдварын “хүнд”, “маш хүнд” өвчтөнүүдийн эмчилгээнд хэрэглэж байгаа Ремдесивир эмийн 100 мянган тарилгыг үйлдвэрлэгчээс нь шууд авах хүсэлтийг манай улс БНЭУ-д тавьсан. 

Эхний ээлжийн 50 мянган тарилгын төлбөрийг шилжүүлсэн. Дараагийн төлбөрийг наймдугаар сарын 14-нд шилжүүлж, тээвэрлэлтийг наймдугаар  сарын 25-30-ны өдрүүдэд Хүннү Эйр компанийн тусгай нислэгээр авахаар болжээ.

Сануулахад, ЭМЯ-ны өчигдрийн мэдээллээр ковидын халдвартай 9293 өвчтөн эмнэлэгт хэвтэн эмчлүүлж байгаагаас  832 хүний биеийн байдал хүнд,  155 хүний биеийн байдал нэн хүнд байгаа юм.