“Эко кар центр” компани “Токио-2020” олимпоос мөнгөн медаль авсан жүдоч Саид Моллайд дуртай машинаа сонгон авах эрхийн бичиг бэлэглэж байгаагаа зарласан билээ.

Саид Моллай “Эко кар центр” компаниас 30 сая төгрөгийн өртөг бүхий “Тoyota Sai” загварын суудлын автомашиныг сонгосон байна.

Тэрбээр энэ үеэр сэтгүүлчдийн асуултад хариулсан юм.

-Та монгол хэл суръя гэж бодож байна уу?

-Монгол хэл тун сайхан хэл. Би бага багаар сурах болно.

-Та яагаад энэ машиныг сонгосон бэ?

-Цагаан өнгөтэй, хэтэрхий том биш, бас сайн машин гэж бодож байна.

-Машинаараа хамгийн түрүүнд хаашаа явах вэ?

-Бэлтгэлийн заал руу явах болно. Дараа нь ресторан явна.

-Монголчуудад хандан юу гэж хэлмээр байна вэ?

-Намайг маш их дэмжсэн монголчуудад талархаж байна. Тиймээс би энэхүү медалиа та бүхэнд зориулж байгаагаа анх хэлж байсан. Ноён Х.Баттулга, жүдогийн багийнхан, Жүдо бөхийн холбооныхон, надад тусалж дэмждэг хүмүүс гээд бүгдэд нь би энэхүү медалиа зориулж байна.

Тэрбээр өөрийн сонгосон "Toyota Sai" маркийн машинаа хөлөглөн тус компанийн талбайгаас явлаа.