Манай улс Ливаны пуужингийн цохилтыг “хүлцэхгүй” гэдгийг Израилын Ерөнхий сайд Нафтали Беннетт ням гарагт анхааруулжээ.

Ливаны “Хезболлах” бүлэглэл Израилын нутаг дэвсгэр лүү пуужин харваснаас нэг хоногийн дараа Н.Беннетт ийнхүү мэдэгдсэн байна.

Тэрбээр Засгийн газрын долоо хоног тутмын хуралдааны эхэнд, “Ливаны Засгийн газар, цэргийнхэн улс орондоо болж буй хэрэг явдлын хариуцлагыг хүлээх ёстой” гэж хэлжээ.

Израилын хойд нутаг руу баасан гарагт “Хезболлах” бүлэглэл 19 орчим пуужин харважээ. Үүний улмаас хэн нэгэн хүн гэмтэж бэртээгүй байна. Израилын армийн мэдээлснээр, пуужингуудын дийлэнхийг агаарын довтолгооноос хамгаалах систем эсэргүүцсэн бөгөөд үлдсэн нь Ливан-Израилын хилийн ойролцоох тал газарт унажээ.

“Хезболлах” бүлэглэлийн мэдэгдсэнээр, Ливаны өмнөд нутагт хэдэн хоногийн өмнө өгсөн Израилын агаарын цохилтын хариуд пуужин харважээ. Харин Ливанаас гурван пуужин харвасны хариуд лхагва гарагт Израилаас өгсөн агаарын цохилтын улмаас хэн нэгэн гэмтэж бэртээгүй байна. Израилын талын мэдээлснээр, пуужингуудын Палестины бүлэглэл харважээ.