Энэ сарын 08-ны өдөр нийслэлийн хэмжээнд I тунд 517, II тунд 240, нийт 757 иргэнийг дархлаажууллаа. Вакцинжуулалт эхэлснээс хойш нийслэлийн 18-аас дээш насны 1091782 иргэн I тунд, 992165 иргэн II тунд хамрагдаад байна. Мөн нийт 2128 жирэмсэн эх, 12-15 насны 32.551, 16-17 насны 16.877 хүүхэд тус тус II тунд хамрагдлаа.

Харин өнөөдөр буюу 2021 оны наймдугаар сарын 09-ний өдөр Улаанбаатар хотод суурин 20 цэгт 23 багийн 161 эмч, ажилтан ажиллаж, 7905 иргэнийг дархлаажуулахаар төлөвлөжээ. Та бүхэнд өнөөдөр ажиллах дархлаажуулалтын болон шинжилгээний цэгүүдийг дүүрэг тус бүрээр танилцуулж байна.