Дэлхийн шатрын холбооноос зохион байгуулж буй Дэлхийн шатрын онлайн анхдугаар олимпиад энэ сарын 13-ны өдрөөс 9 дүгээр сарын 15-нд www.chess.com онлайн платформ дээр зохион байгуулагдаж байна. Монгол Улсаа төлөөлөн Дэлхийн шатрын онлайн олимпиадад Монголын шатрын холбооноос 7 дугаар сарын 31-нд зохион байгуулсан Дэлхийн шатрын онлайн олимпиадад оролцох баг, тамирчдыг сонгон шалгаруулах тэмцээнээс шалгарсан дараах тамирчид оролцоно.

А (эрэгтэй)

I ширээ: МУГТ, ИМ Ц.Батчулуун

II ширээ: ҮШБ-ийн тамирчин, ИМ У.Насанжаргал

B (эмэгтэй)

III ширээ: ҮШБ-ийн тамирчин, МУГТ, ОУМ/ЭИМ Б.Мөнгөнтуул

IV ширээ: ЭОУМ Б.Баярмаа

C (20 хүртэлх насны хөвгүүд)

V ширээ: ОУМ С.Ган-Эрдэнэ

D (20 хүртлэх насны охид)

VI ширээ: ДШХМ Д.Мөнхзул

Нөөц тоглогчид:

ИМ Г.Мөнхгал (эрэгтэй)

ҮШБ-ийн тамирчин, ОУМ Ү.Агьбилэг (эрэгтэй)

ҮШБ-ийн тамирчин, ЭОУМ Т.Мөнхзул (эмэгтэй)

ОУМ/ЭИМ Д.Номин-Эрдэнэ (эмэгтэй)

ИМ Д.Батсүрэн (20 хүртэлх насны хөвгүүд)

Н.Цогзолмаа (20 хүртэлх насны охид)

Монгол Улсын шатарчдын хувьд 2018 оны Дэлхийн шатрын олимпиадын эрэгтэй, эмэгтэй нэгдсэн дүнгээр Ази тивдээ эхний шилдэг тавд шалгарсан өндөр амжилтаараа өнгөрсөн жил Дэлхийн шатрын онлайн анхдугаар олимпиадын тэргүүн хэсэгт шууд эрхээр оролцож дэлхийн шилдэг шатрын гүрнүүдтэй өрсөлдөн хэсэгтээ тавдугаар байрт шалгарч байсан бол энэ жил ч мөн адил тэргүүн хэсэгт шалгарч өрсөлдөхөөр болоод байгаа юм.

Мөн Дэлхийн шатрын онлайн олимпиадад оролцох баг, тамирчид “Монгол-Кувейтийн байгаль хамгаалах төв”-д нэгдсэн бэлтгэлд гарч, Үндэсний шигшээ багийн тамирчидтай хамтарсан эрчимжүүлсэн бэлтгэлд хамрагдаж байна.

Түүнчлэн бэлтгэлийн үеэр Монгол Улсын үе үеийн шилдэг шатарчин оролцсон бэлтгэл тэмцээн зохион байгуулсан бөгөөд тус тэмцээнд урилгаар гавьяат дасгалжуулагч, ОУМ Д.Жигжидсүрэн, гавьяат дасгалжуулагч, ДШХМ Ж.Лхагваа, ИМ Б.Хатанбаатар, ИМ Б.Гүндаваа, ИМ С.Билгүүн, ЭИМ А.Энхтуул, ДШХМ Н.Төвсанаа, ДШХМ З.Бямбаа, ДШХМ Баярмандах, ДШХМ М.Гүнбаяр, ЭОУМ Б.Алтантуяа тэргүүтэй шатарчин оролцсон. Ийн ОУМ Ү.Агьбилэг тэргүүлж, ИМ Б.Гүндаваа аман хүзүүдсэн бол ИМ С.Билгүүн гуравдугаар байрт шалгарав. Харин эмэгтэй төрөлд ЭОУМ Т.Мөнхзул аваргалжээ.