УИХ-ын гишүүн асан Д.Оюунхоролыг Хөшигийн хөндий дэх "Чингис хаан" олон улсын нисэх онгоцны буудлын бүтээн босголтын асуудал хариуцсан Засгийн газрын Бүрэн эрхт төлөөлөгчөөр томилсон билээ. Энэ томилгоотой холбоотой мэдээлэл цацагдах үед түүний нүдээ аньсан зургийг сошиалаар сэвж, эсэргүүцсэн сэтгэгдэл нэлээд хөвөрсөн. 

Тэгвэл Д.Оюунхорол тухайн үед үнэхээр унтаж байсан эсэхийг түүнтэй холбогдож тодрууллаа. 

Тэрбээр "Бүхий л хүний нүд завчдаг. Нүдээ "тэвхдсэн" мэт амьдардаг хүн байхгүй. Агшин зуур нүдээ аньсан тэр мөчийг тааруулж зураг аваад л, сошиалд тавьсан байсан. Би хурал зөвлөгөөн дээр унтаж байна гэж юу байхав дээ. Тэр бүхний араас нь юм яриад байдаггүй, зүгээр л орхичихдог" гэсэн тайлбар өглөө.