УИХ-ын чуулганы энэ долоо хоногийн нэгдсэн хуралдаанаар гурван асуудал хэлэлцэхээр төлөвлөсөн байна.

Хэлэлцэх асуудлын жагсаалтын эхэнд УИХ-ын гишүүн Ганхуяг нарын өргөн мэдүүлсэн Хөрөнгө оруулалтын тухай, Хуулийн этгээдийн Улсын бүртгэлийн тухай хуульд өөрчлөлт оруулах тухай хуулийн төсөл орсон байна. Мөн хуралдаанаар Монгол Улсын Дээд шүүхээс санал болгосон Үндсэн хуулийн цэцийн гишүүнийг томилох тухай хэлэлцэхээс гадна УИХ-ын гишүүн Д.Ганбатаас нүүрс тээврийн салбарын тогтоол, шийдвэрийн хэрэгжилтийн байдал, цаашид Засгийн газраас авч хэрэгжүүлэх ажлын талаар Ерөнхий сайдад тавьсан асуулгын хариуг сонсох аж.