Засгийн газрын 2019 оны 201 дүгээр тогтоолоор “Онцгой нөхцөл байдлын үед хүүхдийн эрхийг хамгаалах тусламж дэмжлэг үзүүлэх журам” батлагдсан. Тус журмын дагуу Хөдөлмөр, нийгмийн хамгааллын сайдын 2019 оны А/257 дугаар тушаалаар Хүүхэд хамгааллын салбар дундын бүлэг байгуулагдан, Ковид 19 цар тахлын үед хүүхдийн эрхийг хамгаалах, эрсдэлээс урьдчилан сэргийлэх ажлын төлөвлөлттэйгээр ажиллаж байна.

Хүүхэд хамгааллын салбар дундын өнөөдрийн хуралдаанаар:

- УОК-ийн дарга, Шадар сайдын 2021 оны А/57 дугаар тушаалаар батлагдсан “Коронавируст халдвар /ковид-19/ цар тахлын үед хүүхэд хамгааллын үйлчилгээ үзүүлэх түр журам”-ын хэрэгжилт, Цар тахлын үед хүүхдэд үзүүлж буй эмнэлгийн тусламж үйлчилгээ, Цар тахлын үе дэх боловсролын үйлчилгээний талаарх мэдээлллийг холбогдох байгууллагууд танилцуулж, хэлэлцүүлэв.

- Хүүхэд хамгааллын тухай хуулийн шинэчилсэн найруулгын төсөлд шинээр оруулж буй Гамшиг, онцгой нөхцөл байдлын үе дэх хүүхэд хамгаалал зүйл, заалтыг ХНХЯ-аас танилцуулж, салбар дундын бүлгээс санал авлаа.

Салбар дундын бүлгийн дарга, ХНХ-ын дэд сайд С.Зулпхар “Коронавируст халдвар /ковид-19/-т цар тахлын үед хүүхэд хамгааллын үйлчилгээ үзүүлэх түр журам”-ын хэрэгжилт, Газар хөдлөлтийн үеийн бэлэн байдлын төлөвлөгөөний хэрэгжилтийг эрчимжүүлэх болон бусад асуудлаар 10 үүрэг чиглэлийг өгөв.

Эх сурвалж: ХНХЯ