Украины Ерөнхийлөгч Зеленский өнгөрсөн хоёрдугаар сарын 27-нд гадаадын сайн дурынхнаас бүрдсэн тусгай отряд байгуулж байгаагаа зарласан.

Энэхүү отрядад бүртгүүлэхээр Японы 70 иргэн бүртгүүлсэн талаар Токио дахь Украины ЭСЯ-наас мэдээллээ. Үүнээс 50 нь хуучин цэргийн албан хаагч, хоёр хүн Францын гадаадын легионд алба хааж байсан байна.  

Хэдийгээр Украины Засгийн газраас сайн дурынхан гэж байгаа ч үнэндээ цалин шагналтай хөлсний цэрэг гэсэн үг. Гэхдээ Японы ГХЯ-наас иргэдээ Украинд очихгүй байхыг анхааруулсан тул бүртгүүллээ гээд шууд байлдааны фронтод очиж чадахгүй байж магадгүй байгаа юм.