Булган аймгийн Засаг даргын тамгын газар БНСУ-ын Кёнги аймгийн Шинхан их сургуультай хамтын ажиллагааны гэрээний дагуу 20 оюутныг тэтгэлгээр суралцуулахаар өнгөрсөн тавдугаар сард гэрээ байгуулсан билээ. 

Саяхан Булган аймгийн 16 сум, 1 тосгоноос суралцагч нар батламжаа гардаж, суралцах эрхээ авсан.

Тэгвэл Булган аймгийн Засаг дарга Б.Ариун-Эрдэнэ, БШУГ-ын дарга Ж.Ганболд нар Өмнөд Солонгост суралцах оюутнуудын хэлний сургалтын явц, үр дүн, бэлтгэл ажлын талаар оюутнуудтай санал солилцлоо.

Булган аймгаас суралцагч оюутнууд долоодугаар сарын 1-нээс солонгос хэлний анхан шатны вакумжуулсан сургалтандаа сууж эхэлсэн бөгөөд ирэх есдүгээр сарын 13-наас өмнө БНСУ-д сургуульдаа очсон байх юм.