Үндэсний брэнд төгрөгийн картыг БНХАУ-ын Тусгай захиргааны бүс Хонгконгт картын лого (₮) байршсан худалдаа, үйлчилгээний цэгт ашиглах боломжтой боллоо. 

Монголбанк, үндэсний брэнд төгрөгийн картын хэрэглээг өргөжүүлж, хилийн чанад, бусад улсын төлбөрийн картын сүлжээнд ашиглах зорилгоор БНХАУ-ын тусгай захиргааны бүс Хонконгийн EFT Solutions компанитай хамтран ажиллах санамж бичгийг  өнгөрсөн онд  байгуулсан. Хамтын ажиллагааны үр дүнд үндэсний брэнд төгрөгийн картыг төлбөр тооцоонд ашиглах боломжтой болсон юм. Одоогоор төгрөгийн картын лого (₮) байршсан худалдаа, үйлчилгээний цэгт нэвтрүүлсэн бөгөөд цаашид түргэн үйлчилгээний дэлгүүр, метро, таксинд ашигладаг болно.