Төр нийгмийн нэрт зүтгэлтэн Г.Батхүү агсан өнгөрөгч 2019 оны тавдугаар сарын 17-ны өдөр Төрийн ордны хоёр давхрын гонхноос унаж амиа алдсан хэрэг гарсан билээ.

Энэхүү хэргийг шалгах явцад УИХ-ын гишүүн Н.Номтойбаярыг цагдаагийн байгууллагаас гэрчээр дуудан мэдүүлэг авсан байдаг. Энэ талаар Н.Номтойбаяр “Надаас гэрчийн мэдүүлэг авсан. Миний хувьд архи уусан зүйл байхгүй. Бидний хувьд өнгөрсөн таван жилийн Монгол Улсын автоспортын байгууллагын ажлыг дүгнэх, тамирчдын цол зэргийн талаар ярьсан. Г.Батхүү гишүүнээр ахлуулсан холбоо шийддэг байсан. Миний зүгээс манай тамирчдын цол зэргийн асуудлыг шийдээч гэдэг хүсэлт тавьсан” хэмээж байсан юм.

Харин прокурорын байгууллагаас түүнийг мөрдөн байцаалтын явцад худал мэдүүлэг өгсөн гэх үндэслэлээр яллагдагчаар татан, хилийн хориг тавиад байгаа билээ. Тэгвэл өчигдөр буюу тавдугаар сарын 5-ны өдөр Нийслэлийн прокурорын газраас Н.Номтойбаярыг албадан ирүүлэх албадан ирүүлэх хүсэлт гаргажээ. Энэхүү хүсэлтийг өнөөдөр /2020.05.06/ Чингэлтэй дүүргийн Эрүүгийн хэргийн анхан шатны шүүхэд хэлэлцэж байна.zindaa.mn