Өнгөрөгч оны арванхоёрдугаар 27-ны өдрийн орой “Петровис” компанийн ТУЗ-ийн дарга Ж.Оюунгэрэлийн охины төрсөн өдрийн баярын арга хэмжээнд уригдан очсон Х.Тайван, УИХ-ын гишүүн Н.Номтойбаяр нар маргалдаж, нэгнээ гэмтээсэн хэрэг гарсан.

Энэхүү явдлын бичлэг өнөөдөр /2020.01.17/ олон нийтэд ил болсон юм. Тэгвэл бичлэг тарсантай холбоотойгоор мөрдөн шалгах ажиллагааны баримт хэрхэн задарсан болохыг тогтоохоор хуулийн байгууллага ажиллаж эхэлжээ.

Энэ талаар Улсын ерөнхий прокурор Б.Жаргалсайхан “Мөрдөн шалгах ажиллагааны бичлэг яагаад задрав гэдгийг бид өнөөдрөөс эхлээд шалгаж эхэлж байна. Нотлох баримт яагаад задрав гэдэг асуудал хүссэн хүсээгүй шалгагдана. Шалгагдах ёстой” гэв.