УИХ-ын  2019 оны арваннэгдүгээр сарын 21-ний өдрийн хуралдаанаар баталсан  “Оюутолгой ордын ашиглалтад Монгол Улсын эрх ашгийг хангуулах тухай тогтоол” хэрэгжих эсэх нь хүлээлт үүсгэсэн сэдэв болоод байгаа билээ.

Тэгвэл Оюутолгойн хөрөнгө оруулалтын гэрээ, төсөлтэй холбогдох бусад гэрээнүүдийг УИХ-ын 40, 57 дугаар тогтоолууд болон Монгол Улсын хууль тогтоомжуудад нийцүүлэн, сайжруулах хэлэлцээг төслийн менежментийн эрхийг барьж буй “Рио Тинто”-той Монгол Улсын Засгийн газраас байгуулагдсан Ажлын хэсэг удахгүй хийх аж.

ЗГХЭГ-ын дарга Л.Оюун-Эрдэнэ Ажлын хэсгийг ахалж буй юм байна. Ажлын хэсгийн бүрэлдэхүүнд нь Сангийн яам, УУХҮЯ, ХЗДХЯ, ЭХЯ, ЗТАЖЯ, Татварын ерөнхий газар, Мэргэжлийн хяналтын ерөнхий газрын төлөөллүүд багтжээ.