Холливудын алдарт жүжигчин Киану Ривз “Matrix-4” болон “Жон Вик-4” кинонд гол дүр бүтээж байгаа талаар бид өмнө нь мэдээлсэн. Уг бүтээлүүд урьдчилсан товоор 2021 оны тавдугаар сарын 21-нд нээлтээ хийхээр зарлагдсан бөгөөд өөрчлөлт орохгүй бол нээлт нэг өдөр давхцах юм. Мөн Киану Ривз дээрх хоёр кинонд гол дүр бүтээх их ажлын хажуугаар “BRZRKR” нэртэй комик зохиол бичиж байгаа аж. Уг комик ирэх аравдугаар сарын 7-ноос худалдаанд гарна.

Үүнээс гадна "Жон Вик" киноны уран бүтээлчид тавдугаар ангийг хийх болсноо албан ёсоор зарлалаа.

Ташрамд дуулгахад, жүжигчин Киану Ривз анх Жон Викийн дүрийг бүтээхийн тулд 4 сарын турш өдөрт найман цаг тулааны болон зэвсэгтэй сургуулилалт тасралтгүй хийж байжээ.