Энэтхэг, Төвөд, Хятадын анагаах ухааны төлөөлөгчид коронавирусний эсрэг эм бэлдмэл бүтээхийн тулд хүчээ нэгтгэх учиртай. Энэтхэг улс энэ салбарт арвин их мэдлэгтэй бөгөөд энэ туршлагыг нь ашиглах ёстой гэж XIV Далай лам үзэж байна.

Дээрхийн Гэгээний хэлснээр, өдгөө шинжлэх ухаан шинэ өвчний эсрэг эм бүтээж байна. Аюурвед, Хятад, Төвөдийн анагаах ухааны төлөөлөгчдийг оролцуулсан эрдэмтдийн олон улсын хурал зохион байгуулах нь ач холбогдолтой гэж Далай лам онцлоод VIII зуунд Хятадын хааны удирдлага дор хагас олон улсын анагаах ухааны бага хурлыг зохион байгуулж байсан түүх бий гэж тодруулжээ. Тухайн үед эл хуралд Төвөд, аюурвед, Грек, Хятадын анагаах ухааны төлөөлөгчид оролцож байжээ. Тохиромжтой үе ирэхээр анагаах ухааны янз бүрийн уламжлалын төлөөлөгчдийн дунд хэлэлцүүлэг зохион байгуулж, мэдлэгийн арвин их эх булгаас суралцах ёстой гэж Дээрхийн Гэгээн онцолжээ.

Тэрбээр өөрийн амь насаар дэнчин тавьж, коронавирустэй тэмцэх буй дэлхийн бүх эмч, эрүүл мэндийн салбарын ажилтанд талархал илэрхийлсэн байна.