Энэ сарын 6-ны өдөр тусгаарлалтаас гарсан ачаа тээврийн автомашины жолооч болон түүний гэр бүлийн хүнээс коронавирусний халдвар илэрч, онош батлагдаад байгаа билээ.

Албаныхан тухайн иргэний маршрутыг гаргахад, тусгаарлалтаас гараад хоёр хоногийн дараа “Улаанбаатар палас”-т дуучин Д.Дэмбэрэлнямбуугийн “Хар нүдэн” тоглолтыг үзсэн байдаг. Улмаар халдвартай жолоочтой ойролцоо байсан иргэдийг тусгаарласны дотор тус тоглолтыг зохион байгуулсан дуучин мөн багтсан байна. Учир нь тоглолтын дараа халдвартай жолооч болон түүний гэр бүлийн хүн дээрх дуучинтай хамт зураг авахуулсан ажээ.