ХӨСҮТ-ийн Тандалт судалгааны албаны дарга А.Амбасэлмаа өчигдөр зарим халдвар тээгчийн явсан зам, чиглэл нэмэгдсэн талаар мэдээлэл өгч, нэр бүхий үйлчилгээний газраар үйлчлүүлсэн иргэдийг ЭМЯ-нд хандахыг хүслээ.

Тэрбээр хэлэхдээ “Сүхбаатар дүүргийн 8 дугаар хорооны “Говьсайхан” караокед энэ сарын 9-нд 17-21 цагийн хооронд үйлчлүүлсэн болон Сүхбаатар дүүргийн 5 дугаар хороо “Топаз” зочид буудалд орсон, Сүхбаатар дүүргийн 8 дугаар хорооны “Өгөөж-1” цайны газар 12-14 цагийн хооронд байсан иргэд ЭМЯ-ны 119 тоот утас, ХӨСҮТ-ийн 80086829 дугаар руу яаралтай холбогдож, зөвлөгөө зөвлөмж авахыг хүсэж байна” гэлээ. 

Коронавирусний халдвар авсан иргэдийн дотроос эдгээр үйлчилгээний газруудаар үйлчлүүлсэн нь тодорхой болсон байна. Тиймээс тухайн өдөр дээрх газруудаар үйлчлүүлсэн иргэдийг холбогдох мэргэжлийн газарт хандахыг зөвлөж байгаа юм.