Монгол Улсын иргэдийн хувьд Европын Холбооны гишүүн улсад байнгын оршин суух зөвшөөрөлтэй бол уг шийдвэр хамаарахгүй. Харин богино хугацааны визээр зорчих бол дөрөвдүгээр сарын 17 хүртэл Шенгенийн бүсэд гадаад улсын иргэдийг нэвтрүүлэхгүй аж.

Энэ хугацаанд бараа, ачаа тээвэрлэлт хэвийн үргэлжилнэ. Шаардлагатай тохиолдолд уг хугацааг сунгах магадлалтай байна. Шенгенийн бүсийн гишүүн улсууд өөрсдийн дотоодын хилийн хяналтыг сэргээсэн тул Шенгенийн бүс дотор зорчихдоо тухайн оршин сууж байгаа улсын Засгийн газраас гаргасан мэдээллийн талаар өөрт ойр байгаа Монгол Улсын ЭСЯ-наас мэдээлэл авах хэрэгтэйг сануулав.

Шенгенийн бүс нутагт Австри, Бельги, Дани, Герман, Грек, Исланд, Испани, Итали, Латви, Литва, Лихтенштейн, Люксембург, Мальта, Нидерланд, Норвеги, Польш, Португал, Словак, Словени, Унгар, Финланд, Франц, Чех, Швед, Швейцар, Эстони улсууд багтдаг.