Хойд Солонгосын эзэмшлийн далайн бүст алагдсан Өмнөд Солонгосын Загас агнуурын яамны ажилтны ах Хойд Солонгосын удирдагч Ким Жон Унд захидал бичсэн ч Хойд Солонгост хүргэж чадахгүй байгаа талаараа ярьжээ.

Хэргийг сануулахад өнгөрсөн есдүгээр сард Ёнпхён арлын ойролцоо Шар тэнгист жижүүрлэж байсан тус ажилтан Хойд Солонгосын хилчдэд буудуулж амиа алдсан билээ.

Түүний ах И Рэ Чжин Өмнөд Солонгосын Засгийн газраар дамжуулан, Хойд Солонгосоос хэрэг яагаад гарсан болон буудалцааны талаар тодорхой мэдээлэл шаардаж, цогцсыг нь аван, хэргийн газрыг үзэх хүсэлтэй байгаагаа илэрхийлсэн юм. Гэвч одоо хоёр Солонгосын хооронд ямар ч харилцаа байхгүй байгаа тул захидлыг дамжуулж чадаагүй.  

Тиймээс Хойд Солонгостой дотно харилцаатай Монгол улсад хандан захидлыг нь Монгол дахь Хойд Солонгосын дипломат төлөөлөгчдөд дамжуулах, Ким Жон Унд хүргэж өгөх хүсэлт гаргасан байна.