Засгийн газрын ээлжит хуралдаан өнөөдөр /2021.10.06/ болж байна.

Хуралдаанаар цар тахлын нөхцөл байдал, эдийн засгаа сэргээх 10 их наяд хөтөлбөрийн хэрэгжилт болон шатахууны хомсдол, шахмал түлшний нийлүүлэлтийг хэлэлцэж байна. 

Шахмал түлшний үйлдвэрүүд хаалгаа барьснаас үүдэн нүүрсний хомсдол бий бол иргэд бүтэн өдөр оочерлон байж хоёрхон шуудай нүүрс авч байгаа. Хоёр шуудай нүүрсийг хэмнэж түлээд, хоёрхон өдөр болдог аж. Өвөл болохоос өмнө нийслэлчүүд ийнхүү гал алдаж байгаа нь дарга нар ажилдаа хойрго хандаж, бэлтгэл муу хийсний илрэл гэх шүүмжлэл байна.

Шахмат түлшнээс гадна шатахууны хомсдол нүүрлээд хагас сарын хугацаа өнгөрч байна. Дарга сайд нь нөөц хангалттай гэж мэдээлж байгаа ч бодит байдал дээр шатахуун түгээх станцууд хаалт тавьж, зарим нь тодорхой хязгаартай олгож байна.

Энэ мэт тулгамдсан асуудлаа Засгийн газрын хуралдаанаар хэлэлцэх аж.