Мэргэжлийн сүмогийн бараг бүх рекорд амжилтын эзэн, их аварга Хакүхогийн зодог тайлах ёслол ирэх сарын 28-нд Бөхийн өргөө Кокүгикан ордонд болно. Тус ёслолын дээд зэрэглэлийн тасалбар худалдаанд гарлаа.

Таван сая иэнийн үнэтэй “Diamond　VIP　NFT” тасалбар нь зургаахан ширхэг бөгөөд бусад зочдоос давуу эрхтэй. Энэхүү зургаан азтан их аварга Хакүхогийн үсэнд хайч хүргэх эрхээс гадна Миягино дэвжээг өвлөн авах ёслолд оролцох, их аваргатай хамт зоог барих онцгой эрхтэй. Мөн 69 дэх ёкозүнаг бэлгэдсэн Хакүхогийн гарын 69 бэлэг тэднийг хүлээж байна.