Нийслэлийн Чингэлтэй дүүрэгт байх гэр хорооллын дундаас үл таних эрэгтэйн цогцос олдсон нь Сонгинохайрхан  дүүргийн иргэн 33 настай эрэгтэй Б-ийнх болох нь тогтоогдсон байна. 

Хэргийн тухай дуудлагыг тавдугаар сарын 24-ний өдөр цагдаагийн байгууллага хүлээн авсан бөгөөд талийгаачийн үхлийн шалтгааныг тодруулахаар Шүүх, шинжилгээний үндэсний хүрээлэнд цогцсыг хүргүүлжээ. Улмаар урьдчилсан дүгнэлт гарч, талийгаач сүүлийн 20 хоног тасралтгүй архи уусны улмаас амь насаа алдсан болох нь тогтоогджээ. Хэргийг Чингэлтэй дүүрэг дэх цагдаагийн хоёрдугаар хэлтэст үргэлжлүүлэн шалгаж байна.