Бүх Хятадын Ардын төлөөлөгчдийн их хурлын Байнгын хороо Хонконгийн үндэсний аюулгүй байдлын тухай текстийг бэлджээ.

Энэхүү хууль эрх зүйн акт нь БНХАУ-ын төв Засгийн газарт харьяалагддаг зохих үүргүүдийг гүйцэтгэдэг Үндэсний аюулгүй байдлыг хамгаалах хороо байгуулахыг Хонконгийн эрх баригчдад үүрэг болгожээ. Тус хорооны даргын албан тушаалыг Хонконгийн засаг захиргааны тэргүүн хаших аж. Хорооны бүрэлдэхүүнд цагдаагийн комиссар, цагаачлалын албаны тэргүүн, гаалийн албаны дарга, үндэсний аюулгүй байдлыг хамгаалах асуудал хариуцсан цагдаагийн хэлтсийн ерөнхий нарийн бичгийн дарга, тэргүүн нар багтах аж. Тус хороонд мөн бичиг хэрэг хариуцсан зөвлөхийн албан тушаалыг бий болгоно. БНХАУ-ын төв Засгийн газраас уг албан тушаалд томилогдох хүн засаг захиргааны онцгой бүс болон үндэсний байгууллагуудын эрх баригчдын үйл ажиллагааг уялдуулах аж. 

Хонконгийн цагдаагийн газар үндэсний аюулгүй байдлын хүрээнд хууль сахиулах тусгай анги байгуулна. Түүнчлэн Хонконгийн Хууль зүйн яамны бүрэлдэхүүнд үндэсний аюулгүй байдалд аюул учруулж, хууль зөрчиж буйтай холбогдуулан эрүүгийн хэрэг хянан шийдвэрлэх ажиллагаа хариуцах газрыг бий болгох аж.

Бүх Хятадын ардын төлөөлөгчдийн их хурлын байнгын хорооны 19 дүгээр хуралдаан энэ сарын 18-наас 20-ны хооронд болжээ. Хууль тогтоогчид үндэсний аюулгүй байдалд аюул учруулсны төлөө эрүүгийн хариуцлага хүлээлгэх 4 төрлийн гэмт хэргийн нарийн тодорхойлолтыг оруулжээ. Үүнд салан тусгаарлах үзэл, төрийн эрх мэдлийг гутаах, террорист үйл ажиллагаа явуулах, гадны улс эсвэл хүчинтэй үгсэн тохиролцох хэргүүд багтсан байна.